الزعل الا الزعل ..........

السلام عليكم و رحمة الله و بركاته


الزعل إلا الزعل يا قلبنا ... خوفي بكرا يندفع في عقلنا


حلو ان الواحد يهتم بمشاعر الناس الي يعزهم
و يحرص على انه ما يزعلهم
ولكن مشكلة يوم يصير هالحرص زايد عن حده
بحيث يخلي الناس ينفرون منك
سلبية كريهه جدا اعترف بوجودها فيني


انا نفسي ما ازعل من الناس بسهولة
ياما ناس كانو يقرضوني بشكل زايد عن الحد شوي
و ياما كنت في دائرة القرض و التمصخير
خصوصا بسبب متني
و مع ذلك كنت اضحك معاهم و اسولف
فأنا احب اشوف هالشي من الناس
انهم ما يزعلون بسهولة


ولكن إذا صار وحد زعل مني
اتم مهموم و حالتي حالة و مب قادر افكر
مع ان طبيعي الناس تزعل من بعض احيانا
و يرجع الوضع طبيعي بعد فترة قصيرة ولا كأنه صار شي
و ساعتها ابدء اعتذر و احاول اتأكد ان الشخص هذا مب زعلان
و بعد فتره ارجع و اعتذر مره ثانية و اتأكد
و مرة ثالثة و رابعة و خامسة ساعات


و هذا الشي يخلي الشخص ينفر منك
بمعنى آخر "ياخي خلاص و قسم بالله مب زعلان....ذليتنا"
"فكنا من حنتك"


هالسلبية اكرهها
و ابغي اتخلص منها
لأن كل شي يزيد عند حده يستوي سلبية
حتى لو كان هالشي عادة من العادات الطيبة


هل تعاني من نفس المشكلة او مشكلة مشابهه ؟
هل قدرت تتخلص من هالسلبية؟
إذا نعم كيف تخلصت منها؟

آرائكم و نصايحكم

:25: